Andrea Stramaccioni mund ta rifillojë karrierën e trajnerit nga Katari.
Ish-trajneri i Inter-it mësohet të ketë marrë një ofertë tronditëse nga vendi që do të organizojë Botërorin në vitin 2022. Sipas calciomercato.com, në ditët e kaluara është zhvilluar edhe një takim i parë me menaxherin e tij, Federico Pastorello.
Trajneri po vlerëson mundësinë për të provuar një tjetër eksperiencë në Lindjen e Mesme, pas asaj në drejtim të iranianëve të Esteghlal, ku ka kthyer ekipin në vendin e parë pas gjashtë vitesh.
Ish-tekniku i Inter-it është i tunduar edhe nga ideja për t’u përballur me trajnerë të nivelit të Xavi-t dhe Laurent Blanc.
Futbolli është në rritje në Katar dhe Stramaccioni, bashkë me trajnerët e tjerë, do të kontribuonte në këtë evoluim të rëndësishëm të vendit.
Mbetet për t’u kuptuar se cila skuadër e kërkon dhe çfarë oferte i është bërë, edhe pse është e lehtë të imagjinohet se do të jetë e rëndësishme.