Tranjeri i Lacios, Simone Inzagi, është infektuar me Covid-19. Lajmin e ka bërë vet të ditur bashkëshortja e Inzagit në rrjetet sociale, e cila shkroi se gjithë familja Inzagi ka dalë pozitiv me koronavirus dhe se janë izoluar totalisht.
Më herët klubi i Lacios kishte njoftuar se një pjestar i stafit kishte rezultuar pozitiv me virus, por pa bërë të ditur emrin e tij. Inzagi udhëhoqi ekipin e Lacios drejt një fitoreje 2-1 ndaj Specias fundjavën e kaluar, dhe këtë javë do të përballen ne Veronën ku me shumë mundësi, trajneri italian nuk do të jetë në pankinë.
Kohët e fundit kanë qenë të shumta rastet e Covid-19 në skuadrat italiane, çka ka detyruar klubet të marrin masa të ashpra në rregullat ndaj karantinimit.
