Atletico Madrid është rizgjuar! Edhe pse me mungesa, skuadra e Simeones ka arritur që të shkatërrojë Eibar me rezultatin e thellë 5-0.
Protagonistët e ndeshjes me nga dy gola ishin Correa dhe Llorente, ndërsa në mes për të plotësuar rezultatin e thellë la gjurmë edhe Ferreira-Carrasco.
Me këtë sukses, skuadra “colchoneros” largon pak fantazmat pas tij, duke qenë se Reali dhe Barcelona janë aty.
Sakaq, vazhdon ende të ëndërrojë Sevilla. Me suksesin sot në fushën e Real Sociedad me rezultatin 2-1, skuadra andaluziane thuajse ka hipotekuar pjesëmarrjen në Champions League për sezonin tjetër, por ende shpreson se gjithçka mund të ndodhë, me kreun 6 pikë larg.
