Duke filluar nga ora 21:30 do të luhet ndeshja Atletiko Bilbao-Barcelona, e vlefshme për finalen e Kupës së Mbretit në Spanjë. Blaugranasit vijnë më të karikuar se kurrë për trofe pas eliminimit zhgënjyes nga PSG-ja në Ligën e Kampionëve dhe humbjes me rivalin direkt Real Madrid në kampionat. Ndërkohë për ekipin bask do të jetë një ndeshje morali, pasi për ta do të ishte finalja e dytë e humbur brenda një muaji, pas asaj kundër Real Sociedadit.
Trajneri Kuman do të luajë me një mbrojtje me 3, ku qendra do të jetë Pike ndërsa në mbështetje Mingueza dhe Lenglet. Përpara mbrojtjes do të luajë Buskets, ndërsa katërshja Dest, De Jong, Pedri dhe Alba mbyllin mesfushën. Në sulm trajneri holandez ka hedhur dyshen Mesi-Grizman. Ndërkohë Bilbao vjen me një rreshtim 4-4-2, ku synimi i baskëve do të jetë mbrojtja në hapësira të ngushta dhe kundërsulme të shpejta duke shfrytëzuar dhe shpejtësinë e sulmuesit Injaki Uilliams.
LIVE/ Athletic Bilbao – Barcelona 0-4
Mbyllet ndeshja
MINUTA 87/ Ndërhyn VAR dhe anulon golin.
MINUTA 86/ Barcelona shënon golin e pestë falë Antoine Griezmann.
MINUTA 73/ Barcelona shënon golin e katërt falë Lionel Messit.
MINTUA 68/ Barcelona thellon shifrat me golin e shënuar nga Lionel Messi.
MINUTA 63/ Barcelona dyfishon shifrat me golin e shënuar nga Frenkie de Jong.
MINUTA 60/ Barcelona kalon në avantazh me golin e shënuar nga Antoine Griezmann
Nis pjesa e dytë
****
Mbyllet pjesae parë
MINTUA 1/ Starton ndeshja
