Luhet duke filluar nga ora 16:00, ndeshja mes Tiranës dhe Apolonisë në “Air Albania”, e vlefshme për javën e 26-të në Kategorinë Superiore.
Pritet një sfidë e luftuar nga të dyja ekipet, me bardheblutë që do të kërkojnë me çdo kusht 3 pikët ndërsa fierakët do të ishin të lumtur edhe me 1 pikë, ndonëse nuk do iu bënte shumë punë. Bardheblutë e Shehit kanë mundësi të afrohen me zonën europiane, duke përfituar kështu nga rezultatet e djeshme të ekipeve që mbajnë kreun e klasifikimit.
Të dy skuadrat në total, duke përfshirë të tria kompeticionet, janë ndeshur plot 45 herë, me bilancin: 37 fitore Tirana, 4 fitore Apolonia dhe 4 barazime. Në Superiore, janë ndeshur 37 herë gjatë 25 viteve të fundit. 31 fitore Tirana, 4 fitore Apolonia dhe vetëm 2 barazime. Fitorja e fundit e Tiranës, më 31 janar 2021: Apolonia-Tirana 0-1, me gol të shënuar nga Taulant Seferi.
LIVE/ Tirana – Apolonia 5-2
Batha 19′ / Levendi 26′
KOMENTI LIVE:
Batha 19′ , Torasa 51′, Batha 65′ (p), Ismailgeci 77′, Kale 90+1′ / Levendi 26′, 45+1′
KOMENTI LIVE:
90+1′ GOOOOL TIRANA 5-2/ Të papërmbajtshëm bardheblutë! Pas asistit të Vairinen, futbollisti brazilian goditi saktë brenda zonës, duke e dërguar topin në cepin e portës së Harizajt.
90′ Akordohen 4 minuta shtesë.
89′ Tirana e papërmbajtshme në pjesën e dytë, provon të shënojë edhe Vairinen, por gjuajtja e tij, devijohet dhe shkon në këndore.
86′ Zëvendësim i pestë te Tirana, largohet nga loja, Seferi, vendin e tij e merr Nuriu.
83′ Tjetër mundësi për skuadrën e Tiranës, por gabon totalisht Elton Kale.
82′ Shehi kryen edhe 2 zëvendësime të tjera, largohen Torasa dhe Ismailgeci, në lojë, Giamfi dhe Vrapi.
78′ Zëvendësim te Tirana, largohet Halili, vendin e tij e merr Vairinen.
77′ GOOOOL TIRANA 4-2/ Fantastik Ismailgeci! Mbrojtësi godet saktë me të majtën brenda zonës duke shtangur portierin Harizaj.
74′ Apolonia kryen 2 zëvendësime të tjera, largohen Shanaj dhe Repaj në fushë Asllanaj dhe Zoga.
70′ Dominim absolut i Tiranës në këtë pjesë të dytë, asnjë zbritje e skuadrës fierake në portën e Bekajt.
66′ Apolonia kryen 2 zëvendësime largohet Omeri dhe Vasijl, në vendin e tyre Jeboah dhe Gjata.
65′ GOOOOL TIRANA 3-2/ Bardheblutë përmbysin gjithçka! Batha tregohet i saktë nga pika e bardhë e penalltisë duke mposhtur portierin Harizaj.
64′ Penallti për Tiranën, pas rrëzimit të Kale brenda zonës, gjatë një dueli me Diop. Protestojnë fierakët. Ishte gjyqtari anësor ai që sinjalizoi 11-metërshin.
62′ Shans i artë për Tiranën me Elton Kale. Gjuajtja e brazilianit brenda zonës shkon ngjitur me shtyllën. Trajneri Shehi vendos duart në kokë.
56′ Dominim i Tiranës në pjesën e dytë. Kampionët e Orges Shehit, kërkojnë golin e tretë. Një ritëm i kënaqshëm në “Air Albania”
51′ GOOOOL TIRANA 2-2/ Vendoset baraspesha. Pas një gafe të fierakëve me topin e kthyer mbrapa nga Repaj, përfiton Seferi, i cili jep një asist për Torasën, që me portën e boshatisur nuk fal. 2-2!
48′ Provon të rrezikojë Tirana me Seferin, që devijon topin pas harkimit të Halilit nga e djathta, por i vëmendshëm portieri Harizaj, që tregon reflekset.
46′ Starton pjesa e dytë, Shehi kryen menjëherë zëvendësim, largohet nga fusha Toli, në vend të tij, Kale.
Përfundon pjesa e parë.
45+1′ GOOOOL APOLONIA 1-2/ Fierakët përmbysin sfidën me Levendin, i cili realizon dopietë. Pas shpërthimit fantastik të Haxhiut nga e djathta, topi më pas ka shkuar te Levendi, duke përshëndetur për herë të dytë rrjetën. Në kampin bardheblu ka sërish pretendime për pozicion jashtë loje.
45′ Akordohet 1 minutë shtesë.
41′ Kundërpërgjigjet Tirana me Seferin, por gjuajtja e tij ishte e lehtë dhe përfundoi drejt e në duart e Harizajt.
40′ Një mundësi mjaft e mirë për Apoloninë, ishte Levendi që provoi me një gjuajtje nga distanca, por tentativa e tij shkoi ngjitur me shtyllën pingule.
39′ Apolonia fiton goditjen e parë nga këndi, pas devijimit të Behiraç.
38′ Pas një harkimi nga e majta, Sota provon me kokë, por topi ndalet pa probleme nga portieri Bekaj.
32′ Një sfidë e luftuar dhe korrekte, bardheblutë e Orges Shehit, shfaqen më kërkuesë, teksa Apolonia provon të surprizojë herë pas here me daljet e rrezikshme.
28′ Tirana pretendon për penallti pas rrëzimit të Halilit brenda zonës, por për gjyqtarin gjithçka e rregullt.
26′ GOOOOL APOLONIA 1-1/ Vendoset baraspesha në “Air Albania”. Levendi ndëshkon Tiranën. Pas asistit të Vasilj, futbollisti Levendi nuk fal me portën e boshatisur. Në kampin bardheblu kanë pretendime për pozicion jashtë loje.
25′ Kombinim mjaft i bukur Torasa-Seferi, me këtë të fundit që provon në hyrje të zonës, por tentativa e tij shkoi shumë larg kuadratit.
19′ GOOOOL TIRANA 1-0/ Zhbllokohet sfida! Batha provon me një gjuajtje nga goditja e dënimit, topi devijohet në murin mbrojtës nga Haxhiu duke ndryshuar trajektoren dhe duke përfunduar në fundin e rrjetës.
15′ E pabesueshme çfarë shpërdoron Taulant Seferi i vetëm përballë portierit. Sulmuesi bën më të vështirën duke e nxjerrë topin jashtë kuadratit. Nuk iu besojnë syve në kampin bardheblu.
13′ Tirana fiton goditjen e parë nga këndi në këtë sfidë!
12′ Ende asnjë rast i rrezikshëm në portat respektive, loja është përqëndruar më së shumti në mesin e fushës, ku nuk mungojnë duelet e shumta.
6′ Toli zihet në pozicion jashtë loje, pamjet i japin të drejtë gjyqtarit anësor, Kociaj.
3′ Tirana provon të marrë frenat e lojës në dorë, por fierakët shfaqen agresivë në këto minuta të para, duke mos lejuar shumë hapësira për bardheblutë.
1′ Ka startuar sfida! Topin e parë nga qendra e luajnë fierakët.