Nuk kanë fund komentet në lidhje me Superligën.
Mes reagimeve të shumta, ka ardhur edhe ajo e Mircea Lucescu-t, trajneri i Dinamos së Kievit.
“E konsideroj një histori të shëmtuar, më e keqja që kam jetuar në futboll”, ka thënë trajneri rumun për Tuttosport.
“Dhe unë, pavarësisht se ndihem shumë i ri, jam 75 vjeç dhe i kam parë të gjitha. Superliga është një e keqe sepse futbolli ka lindur si sporti i të gjithëve, veçanërisht i të varfërve”.
“Dëshira për ta transformuar në diçka elitare është e gabuar dhe e rrezikshme. E dini pse? Do të bëhej një kampionat për të pasur në fushë dhe në shkallët e stadiumeve: njerëzit normalë nuk do të mund t’i blinin biletat për të parë spektaklin që kanë në mendje këto klube”, ka shtuar Lucescu.
