Trajneri i PSG, Mauricio Pochettino, ka folur për të ardhmen e Kylian Mbappe gjatë konferencës për shtyp në prag të ndeshjes kundër Lens.
“E ardhmja e Mbappe? Kjo është një pyetje për Kylian dhe jo për mua. Kemi humbur një ndeshje, por kemi akoma atë të kthimit dhe në Champions mund të ndodhin gjëra të çuditshme”, ka thënë argjentinasi.
“Ai ka akoma edhe një vit në kontratë. E kam thënë më parë, por unë dhe klubi po bëjmë më të mirën për ta mbajtur për shumë vite të tjerë”.
