Mbrëmjen e nesërme do të luhet ndeshja e kthimit mes PSG dhe Bayern, sfidë e vlefshme për fazën çerekfinale të UEFA Champions League.
Në kuadër të përballjes, PSG ka publikuar listën e të grumbulluarve, ku bie në sy rikthimi i Marco Verrattit, i cili duket se e ka lënë pas periudhën që ishte me COVID-19. Përveç Verrattit është rikthyer edhe Florenzi.
Nga ana tjetër, ka dhe mungesa të mëdha, siç janë ato të Marquinhos, kapiteni i cili shënoi në Mynih, por edhe Icardi, me argjentinasin që ende nuk është rikuperuar nga dëmtimi i pësuar.