Pas MSN dhe MSD nga sezoni 2019-2020 Barcelona do të ketë në fushë një treshe të re, MSG, Messi, Suarez, Griezmann, një treshe që premton shumë gola.
MSG është gati për fillimin e sezonit dhe me këto tre lojtarë, tekniku Valverde i ka të garantuar më shumë se 100 gola në sezon.
Nëse i bëjmë bashkë golat e tyre të shënuar në tri sezonet e fundit, kapin shifrat 97 në edicionin e fundit, 105 në edicionin 2017/18 dhe 117 në sezonin 2016/17.
Shifrat më të mëdha janë regjistruar në sezonin 2015/16, kur Messi kishte realizuar 41, Suárez 59 dhe Griezmann 32 – mes tyre në total 132, çka do të thotë se me bërjen bashkë të MSG, të paktën 100 gola tashmë janë të garantuar.
