Barazimi 0-0 kundër Vllaznisë ishte një tjetër ndalesë për Partizanin, që synon titullin kampion këtë sezon. “Demat e kuq” kanë vetëm një fitore në 7 takimet e fundit të luajtura në Superiore, ai triumf në derbi ndaj Tiranës.
Diçka nuk po shkon në kampin e kuq dhe trajneri Daja po fajëson aktualisht mungesën e një sulmuesi goli. Gjithsesi, të kuqtë janë me fat, pasi asnjë ekip nuk është shkëputur ende në krye.
