Skuadra e Dinamos, është surprizuar ditën e sotme nga një vizitë e tifozëve të saj, “Blue Boys”, gjatë stërvitjes që ekipi po zhvillonte në mesditë në kompleksin e “Arbanës”.
Lajmin e ka bërë vet të ditur klubi i Dinamos, ku në profilin zyrtar në “Facebook” ka shpërndarë dhe një video ku shfaqen tifozët dinamovit teksa brohorasin për ekipin e tyre. “Blue Boys” kanë folur dhe me lojtarët e ekipit duke ju premtuar mbështetje maksimale deri në fund të sezonit, teksa dhe lojtarët u kanë premtuar se do ta kthejnë Dinamon aty ku e ka vendin.
Aktualisht Dinamo ndodhen në vendin e 3-të ne Grupin A të Kategorisë së Parë në kuotën e 32 pikëve, ku para ka Korabin në kuotën e 33 pikëve dhe kampionatin e kryeson Burreli në kuotën e 34 pikëve.
POSTIMI I DINAMOS
