Lionel Mesi ishte në qendër të vëmendjes mbrëmjen e djeshme për faktin se me një karton të verdhë mund të rrezikonte ndeshjen kundër Realit të Madridit.
mesi
Duket se argjentinasi e vuajti këtë fakt dhe kamerat e mediave spanjolle kanë kapur momentin kur ai ankohet për arbitrin, teksa futet në tunel. “Paska dëshirë që të më japë të verdhë. E pabesueshme”, ishin fjalët e Leos. Ai gjithashtu karikoi skuadrën kur u futën për në pjesën e dytë të ndeshjes duke kërkuar më shumë ritëm.
“Duhet të luajmë në një zonë të fushës që ata të lënë hapësirë në tjetrën. Duhet të luajmë me më shumë ritëm për të tentuar golin. Vetëm një gol, vetëm një gol. Hajde forca”, u tha Leo shokëve të skuadrës. Përpara ndeshjes atij iu bë një nderim për rekordin që i theu Ksavi Hernandezit si lojtari me më shumë ndeshje te Barcelona.
