Milan po studion mundësinë për të rikthyer sulmuesin Alexandre Pato në janar. Për momentin synimi kryesor i drejtuesve të kuqezinjve është ish-sulmuesi i Man United, Zlatan Ibrahimoviç. Në rast se nuk finalizohet ky operacion, “Djalli” do të provojë për brazilianin, i cili kurrë nuk e ka mbajtur sekret dëshirën e tij për të luajtur për Milan përsëri. Dhe tani spekulimet e lidhin sërish me një rikthimi gjatë merkatos së janarit në “San Siro”.
Megjithatë, pavarësisht dëshirës së jashtëzakonshme të sulmuesit për t’u kthyer dhe marrëdhënies së ngushtë me drejtorin teknik Leonardo, “Calcio Mercato”, thotë se ai nuk është në fokusin e kuqezinjve. Nga ana tjetër, faqja e specializuar për merkaton sugjeron se Milani mund të kthehet te 29-vjeçari, nëse nuk gjejnë një marrëveshje me Ibrahimoviç. Pato shënoi 63 gola dhe fitoi një Scudetto në gjashtë sezone me “Djallin”. Tani ai është pjesë e kampionatit kinez dhe luan për ekipin e Tianjin Quanjian.
