UEFA u dha ultimatum 12 qyteteve pritëse të Kampionatit Europian, për të konfirmuar pjesëmarrjen e tifozëve në kompeticionin që do të zhvillohet këtë verë.
Ndër qytetet që ishin të paqarta mbi praninë e tifozëve në stadium ishte dhe Bilbao në Spanjë dhe Dublini në Irlandë. Ditën e sotme, nëpërmjet komitetit ekzekutiv UEFA vendosi të lërë jashtë këto dy vende pritëse pasi vendimi i tyre ishte i paqartë dhe i vonuar duke marrë parasysh se kampionati Europian fillon për gati 50 ditë.
Gjithashtu UEFA vendosi që ndeshjen e planifikuara për tu luajtur në Bilbao të luhen po në Spanjë, por në qytetin e Sevijës. Ndërkohë sfidat e Dublinit do të luhen në Shën Petersburg të Rusisë. Kujtojmë se Kampionati Europian 2021 do të nisë në datën 11 qershor dhe do të mbarojë në datën 11 korrik.
