Klubi italian i Milanit dhe gjiganti gjerman i automobilave “BMW” kanë nënshkruar marrëveshje shumëvjeçare bashkëpunimi. Lajmin e ka bërë të ditur vetë shoqëria milaneze, e cila ka njoftuar nëpërmjet një komunikate për mediat partneritetin e ri me kompaninë me qendër në Shtutgart.
Sipas asaj që bëhet e ditur, “BMW”, do të integrohet plotësisht në aspektin komercial dhe sportiv të “Djallit”, duke siguruar shfaqjen e produkteve, ekspozimin ndaj aseteve digjitale dhe fizike të klubeve, si edhe mundësi për të zhvilluar përmbajtje tërheqëse të markës. Partneriteti i ri gjithashtu do t’i sigurojë Milanit akses në teknologjinë e “BMW”-së dhe zgjidhje të reja të lëvizjes, të cilat gjithashtu do të vihen në dispozicion të lojtarëve dhe stafit të ekipit të parë të burrave.
MALDINI NË DUBAI – Ndërkohë që në prezantimin e akordit me “BMW” është marrë presidenti Skaroni. Maldni ndodhej në Dubai nga ku është kthyer vetëm pasditen e djeshme. Ai ka qenë në shtabin e përgjithshëm të kompanisë ajrore “Emirates” me të cilën Milani ka një kontratë sponsorizmi që prej sezonit 2010-’11, ndërkohë që rinovimi i fundit është bëri deri në vitin 2023. Së bashku me drejtorin kanë qenë edhe disa krerë të tjerë me peshë si shefi i financave Kaseper Stilsvig dhe drejtori i sponsorizimeve, Maikel Otëll. Trojka kuqezi është takuar me Tim Klark, president në fuqi i “Emirates” me të cilin janë diskutuar mundësi të reja bashkëpunimi
PËRFSHIRJE – Siç dihet, Paolo Maldini është drejtor i sektorit sportiv dhe jo i atij tregtar ndaj prania e tij në Dubai me shefat e financave të klubit mund të shikohen nga dy pikëpamje. Fillimisht nuk duhet harruar popullariteti dhe vlerësimi që e shoqëron legjendën kuqezi, i cili ka vendosur të takohet personalisht me kreun e “Emirates”-it. Në anën tjetër është përfshirja gjithmonë e më e madhe e Maldinit në çështjet strategjike të “Djallit” sepse siç dihet, aspekti ekonomik është një nga prioritet e Milanit duket qenë se të ardhurat janë të njëjta me ato të dy dekadave më parë. Këtë e dëshmojnë edhe zgjedhjet në merkato të legjendës, që në bashkëpunim me klubin, është orientuar drejt futbollistëve me potencial të lartë, por me kosto të përmbajtura.
