Humbja e fundit në kampionat, e cila i ka zbritur në vendin e parafundit, ka detyruar drejtuesit e Këlnit të shkarkojnë trajnerin Markus Gisdol.
Rezultatet e skuadrës në drejtimin e këtij të fundit nuk kanë qenë të mira dhe për këtë arsye drejtruaesit kanë vendosur të ndryshojnë trajner. Pas shkarkimit të Gisdol, Këlni nuk ka vonuar për të gjetur zëvendësuesin. Në krye të skuadrës është emëruar Friedhelm Funkel.
Bëhet fjalë për një rikthim të Funkel te Këlni, të cilët i ka drejtuar edhe para 18 viteve, në sezonin 2002-2003 dhe tashmë ka si detyrë për të larguar sa më shpejt skuadrën nga vendet e fundit ët Bundesligës, për të shmangur rënien nga kategoria.