Është mbyllur në barazim pa gola ndeshja për titullin mes Barcelona-s dhe Atletico Madrid, e vlefshme për javën e 35-të të La Liga-s.
Colchoneros kryesojnë kampionatin me 77 pikë, dy më shumë se Barcelona, që ka parakaluar përkohësisht Real Madrid falë pikës së marrë ditën e sotme. Los Blancos mund të marrin kreun nëse fitojnë nesër kundër Sevilla-s.
Vazhdon mallkimi për Atletico-n, që nuk ka arritur të fitojë asnjë nga 14 transfertat e fundit të luajtura kundër Barccës në La Liga (4 barazime, 10 humbje), ecuria e tyre më e gjatë pa fitore larg shtëpisë kundër një rivali në kampionat.
Fitorja e fundit e marrë nga Atletico Madrid në Camp Nou në një ndeshje të kampionatit ka qenë në shkurtin e 2006-ës.
