Mbrëmjen e sotme do të luhet supersfida Çelsi-Real Madrid, ndeshje e vlefshme për raundin e dytë të gjysmëfinaleve të Ligës së Kampionëve.
Pas barazimi 1-1 në ndeshjen e parë ndeshja mbetet e hapur teksa londinezët do të vijnë me një avantazh të vogël për shkak të golit të shënuar në fushën kundërshtare.
Trajneri gjerman i Çelsit, Tomas Tuçel nuk do të privohet nga rezultati për t’u mbrojtur, por pritet të hedhë një ekip krejtësisht sulmues në fushë.
Në krahun tjetër Zidane do të vijë me risinë e madhe në formacion, teksa pritet të hedhë nga minuta e parë sulmuesin Eden Hazard. Belgu e njeh mjaft mirë Çelsin dhe pritet tu hapë problem në mbrojtje bluve të Londrës.
Formacionet e mundshme
Çelsi: Mendi, Kristensen, Tiago Silva, Rudiger; Azpilikueta, Zhorzhinjo, Kante, Çilluell, Vërner, Maunt, Pulisiç
Real Madrid: Kurtua, Naço, Varane, Ramos, Mendi, Valverde, Kasemiro, Kros, Modriç, Benzema, Hazard
