Trajneri Edy Reja publikoi dje listën e lojtarëve, duke dhënë edhe shjegimet përkatëse mbi të. Dy ndeshjet miqësore të qershorit shihen si test mjaft i rëndësishëm për kuqezinjtë, në funksion të konsolidimit të grupit dhe konfirmimit të ndonjë prurje të re. Sot është konfirmuar “firoja” e parë, në fakt, e paralajmëruar nga trajneri kuqezi. Fjala është për Etrit Berishën, i cili ka rezultuar i dëmtuar. Për pasojë, është i pamundur. Trajneri Reja ka vendosur të thirrrë po sot Erjon Hoxhallarin, mbrojtësin e Tiranës. Mbi këto ndryshime në listë, ja njoftimi i FSHF-së:
“Kombëtarja vijon përgatitjet për dy ndeshjet miqësore të qershorit ndaj Uellsit dhe Republikës Çeke. Lista e futbollistëve të kombëtares ka pësuar ndryshime, teksa kuqezinjve iu është bashkuar mbrojtësi i Tiranës, Erjon Hoxhallari, ndërsa portieri Etrit Berisha është larguar nga grumbullimi për shkak të një dëmtimi, teksa nuk mund të rikuperohet dot në kohë për dy ndeshjet”.
