Gazeta spanjolle “AS” ka publikuar lajmin se sulmuesi uellsian Garet Bejl do të tërhiqet nga futbolli sezonin tjetër.
Pas një sezoni të dështuar tek skuadra e Totenhamit, Bejl do të rikthehet përsëri në Madrid teksa kontrata e uellsianit mbaron në verën tjetër. Gazeta spanjolle shkruan se fundi i kontratës me Real Madridin, do të jetë dhe fundi i karrierës për Garet Bejl, karriera e të cilit u kushtëzua nga dëmtime të shumta.
Sipas mediave në Angli, Belj stërvitet më një program të veçantë nga shokët e skuadrës, duke u stërvitur vetëm 3 ditë të javë, njëra nga të cilat është seancë shërimi.
Problemet e shumta fizike dhe prezenca e Kristiano Ronaldos tek Real Madrid kushtëzuan karrierën e një prej futbollistëve më të talentuar të të gjitha kohërave në futboll duke e detyruar që të tërhiqet nga futbolli i luajtur në moshën 33 vjeçare. Pas lajmit të publikuar, nuk ka pasur ende një reagim zyrtarë nga kampi i sulmuesit uellsian.
