Georginio Wijnaldum është drejt skadencës së kontratës së tij me skuadrën e Liverpulit.
Më 30 qershor i skadon kontrata e mesfushorit holandez me klubi nga Liverpuli dhe karriera e tij mund të jetë në La Liga-n spanjolle, më saktësisht tek Barcelona. Sipas asaj që raporton “SportMediaset”, agjenti i mesfushorit 30-vjeçar ka zbarkuar në zyrat e klubit katalanas.
Sipas mediave italiane, klubi blaugrana do t’i ofrojë Uajnaldumit një kontratë 3-vjeçare. Në këtë sezon mesfushori holandez është aktivizuar në total në të gjitha kompeticionet në 51 ndeshje ku ka arritur të tundë 3 herë rrjetën.