Gerard Pique, Martin Brathëaite, Iliax Moriba, Samuel Umtiti, Sergio Busquets, Moussa Ëague, Junior Firpo dhe Neto.
Këta janë lojtarët e Barcelona-s vlera e të cilëve në merkato është më e ulët ose e barabartë me 12 milionë euro.
Të gjithë të ndryshëm, të gjithë të dobishëm për arsye të ndryshme. Dhe nëse ka shumë me një vlerë të tillë te Barcelona, imagjinoni sa lojtarë të tillë me vlerë mund të merren për atë shifër.
Blaugranat mund ta shpenzojnë atë shifër për të marrë një të ri me perspektivë ose… për të shkarkuar Ronald Koeman.
Sipas Mundo Deportivo, burime afër Koeman kanë bërë të ditur për RAC1 se zgjidhja e parakohshme e kontratës së tij do t’i kushtonte klubit 12 milionë euro.
Barça, në fakt, do të duhet t’i paguaje holandezit të gjithë rrogën e sezonit të ardhshëm plus pagesat e prapambetura, 3 ose 4 milionë eurot që lojtarët dhe trajneri kanë pranuar t’i marrim më vonë për shkak të krizës së krijuar nga pandemia.
