PSG po përgatit një mini revolucion pas eliminimit nga Champions League.
Sipas Le Parisien, Mauro Icardi, Pablo Sarabia ose Thilo Kehrer do të shiten në merkaton e verës për të lehtësuar financat e klubit nga rrogat e larta.
Presidenti Al-Khelaifi, bashkë me Leonardo-n, do të nisë të planifikojë objektivat për sezonin e ardhshëm duke patur parasysh krizën ekonomike të shkaktuar nga Covid-19.
Humbjet e parisienëve, në fakt, mund të arrijnë deri në 300 milionë euro dhe një nga mënyrat për të shpëtuar bilancin është shitja e lojtarëve.
Një nga ata që kanë zhgënjyer më shumë në këtë sezon është Mauro Icardi, i cili duket se është me valixhe në dorë pavarësisht se kontrata i skadon në vitin 2024.
Ish-kapiteni i Inter-it ndiqet nga Juventus, që do të vihej në lëvizje në rast se Cristiano Ronaldo do të vendoste të largohej nga Torino. Objektivi i PSG është të rikuperojë investimin e bërë, edhe pse duket e pamundur që një klub të paguajë 50 milionë euro për argjentinasin për shkak të krizës botërore.
