Tashmë është zyrtare, Roberto De Zerbi është trajneri i ri i skuadrës së Shahtjor Donjetsk.
Klubi ukrainas ka zyrtarizuar gjithçka me anë të postimeve në kanalet e saj zyrtare ku i japin mirëseardhjen ish-trajnerit të Sasuolos. Trajneri i njohur i cili këto vite ka qenë një ndër teknikët më të spikatur në Serinë A ka firmosur një kontratë 2-vjeçare pasi i dha lamtumirën skuadrës nga Rexhio-Emilia përpara disa ditësh.
De Zerbi merr vendin e trajnerit Luis Kastro dhe bëhet kështu trajneri i 34-të në historinë e klubit të njohur ukrainas. Trajneri 41-vjeçar ka udhëtuar gjatë ditës për në Kiev për të takuar personalisht presidentin e Shahtjorit, Rinat Ahmatov. Gjatë qëndrimit të tij dy-ditor tekniku De Zerbi do të vizitojë qendrën sportive dhe stadiumin e Shahtjorit, “Olimpiyskiy”.
👋 Welcome to #Shakhtar, Roberto De Zerbi! ⚒ pic.twitter.com/BCAfOSNIqq
— FC SHAKHTAR ENGLISH (@FCShakhtar_eng) May 25, 2021
