Edhe pak ditë na ndajnë nga Euro 2020.
The Sun ka zbuluar formacionin e kampionëve që do ta ndjekin Europianin nga divani. Një skuadër me të vërtetë e frikshme.
Portier
Formacioni i mungesave të mëdha në Euro 2020 ka në portë Jan Oblak. Portieri i Atletico Madrid, kampion i freskët i la Liga-s, nuk është kualifikuar me Slloveninë e tij.
Mbrojtës
Paketa e mbrojtjes është sigurisht ajo me emrat më të rëndësishëm mes mungesave. The Sun ka rreshtuar një mbrojtje me 5 lojtarë duke nisur nga Wan-Bissaka në të djathtë dhe Mendy në të majtë. Në qendër është treshja e formuar nga Jerome Boateng, nuk është grumbulluar nga Gjermania, Virgil Van Dijk, nuk është zgjedhur për shkak të dëmtimeve që ka patur gjatë sezonit, dhe Sergio Ramos, i lënë jashtë Spanjës nga trajneri Luis Enrique.
Mesfushorë
Emra prestigjiozë edhe në repartin e mesfushës. Me Isco, Pjanic dhe Milinkovic-Savic. Dy të fundit nuk janë kualifikuar me Bosnjën dhe Serbinë, ndërsa lojtari i Real Madrid është lënë jashtë nga lista e Spanjës.
Sulmues
Dy emra me peshë edhe në sulm .
The Sun ka zgjedhur eksperiencën e Zlatan Ibrahimovic, i dëmtuar në fazën e fundit të kampionatit italian me Milan-in, dhe të riun Erling Haaland, i sapo shpallur lojtari i vitit në Bundesligë.
