Reali i Madridit ka marrë një fitore me shumë vuajtje ditën e sotme, teksa ka mposhtur me rezultatin 2-0 Osasunën.
Madrilenët iu falën dy golave të Militaos në minutën e 76-të dhe të Kasemiros në minutën e 80-të, pas shumë tentativave, ku Osasuna dukej e pakalueshme.
Një fitore me shumë vlera kjo për skuadrën e Zidan, që tashmë e shikon veten në vendin e dytë me 74 pikë, 2 më pak se Atletiko kryesues dhe 3 pikë më shumë se Barcelona e vendit te tretë, që gjithsesi ka një ndeshje më shumë për të zhvilluar.
Madrilenët në mesjavë i pret një ndeshje tejet e rëndësishme, siç është ajo e kthimit ndaj çelsit, në gjysmëfinalen e Ligës së Kampioneve.
