Revista e biznesit “Forbes” ka zbuluar 10 sportistët më të paguar për sezonin që lamë pas teksa në krye të renditjes ngjitet sportisti I UFC-së Konor MekGregor.
Sipas gjigandit amerikan, MekGregor kryeson listën në kuotën e 180 milionë dollarëve, shifrat të frikshme këto duke llogarit të ardhura nga të gjitha burimet si sporti, reklamat apo dhe bizneset private.
Pas irlandezit vjen Lionel Mesi, i cili vazhdon ende të mundë Ronaldon në listën e më të paguarve. Argjentinasi e mbylli vitin me 130 milionë dollar, ndërsa portugezi me vetëm 10 milionë dollarë më pak.
Në vendin e 4-të renditen ylli u futbollit amerikan Dak Preskot i cili arriti të fitoje shumën e 107.5 milionë dollarëve. Fill pas tij renditet ylli i Lejkërsave, Lebron Xhejms me 96.5 milionë dollarë. Vendi i 6-të i takon përsëri një futbollisti, këtë herë është Nejmar, i cili e mbylli vitin me 95 milionë dollarë fitime.
Në vendin e 7-të renditet tenisti Roxher Federer në kuotën e 90 milion dollarëve. 3 vendet e fundit i takojnë Luis Hamilton me 82 milionë dollarë, Tom Bradi me 76 milionë dollarë ndërsa në vendin e 10-të renditet Kevin Durant në kuotën e 75 milionë dollarëve fitime.
Renditja e plotë
1-Konor MekGregor 180 milionë dollarë
2-Lionel Mesi 130 milionë dollarë
3-Kristian Ronaldo 120 milionë dollarë
4-Dak Preskot 107.5 milionë dollarë
5-Lebron Xhejms 96.5 milionë dollarë
6-Nejmar 95 milionë dollarë
7-Roxher Federer 90 milionë dollarë
8-Luis Hamilton 82 milionë dollarë
9-Tom Bradi 76 milionë dollarë
10-Kevin Durant 75 milionë dollarë
