“Panorama Sport” zbulon se deri dje në orën 24:00, FSHF nuk kishte njoftuar asnjë nga arbitrat për pesë ndeshjet që duhet të gjykojnë sot në Kategorinë Superiore.
Një situatë e paprecedentë, që në fakt nuk është hera e parë që ndodh, pasi javët e fundit ka pasur raste kur gjyqtarët janë njoftuar edhe brenda ditës për ndeshjen e caktuar.
Jo vetëm derbi është “top sekret”, por të gjitha ndeshjet e tjera. Tensioni duket se ka përfshirë më shumë se duhet në institucionin e futbollit shqiptar.
Gjithsesi, këto mund të quhen pa diskutim çudira “Made in FSHF”…
