Kastrioti do të luajë sot përballë Kukësit në një ndeshje tejet të vështirë. Krutanët do të kërkojnë sot që të shmangin rënien direkt në Kategorinë e Parë dhe do të kërkojnë të marrin pikët e plota në mënyrë që të sigurojnë “play out”-in, që të qëndrojnë edhe sezonin e ardhshëm në Superiore.
Për ta bërë këtë, krutanët duhet që të fitojnë sot përballë verilindorëve, por edhe skuadrës fituese të dalë nga çifti Burreli-Tomori. Krutanët tregohen të rezervuar dhe nuk shkojnë aq larg sa të mendojnë për rivalin e ardhshëm, por janë të fokusuar totalisht te sfida me verilindorët, që do të luhet ditën e sotme në “Air Albania”.
Ashtu si gjatë javës, edhe dje ka pasur heshtje shtypi, ndërsa lajmi i mirë është që edhe Rezi, i cili shfaqi shqetësime gjatë ditëve të fundit, do të jetë në dispozicion të stafit teknik.
