Portieri i Juvemtusit Xhanluixhi Bufon mund të penalizohet nga Gjykata Federale Kombëtare e Federatës Italiane të Futbollit. Gardiani 42-vjeçari akuzohet se ka përdour një fjalë blasfemike pasi kërcënoi shokun e skuadrës Manolo Portanova gjatë ndeshjes kundër Parmës në 19 dhjetor të vitit të kaluar.
“Dua të të shikoj duke vrapuar dhe vuajtur. Nuk më intereson asgjë tjetër”, ishin fjalët e Bufonit drejtuar të riut Portanova në fushë.
Në 21 dhjetor të vitit të kaluar, Komisioni Disiplinor i Ligës Italiane e fali Bufonin, por pas një muaji çështja i është dërguar organit të lartë gjyqësor të Federatës Italiane.
