Largimi i Antonio Kontes nga Interi i ka habitur të gjithë sepse për tifozët zikaltër dukej se ishte vetëm fillimi, por gjithçka u përmbys në vetëm pak ditë.
Për stolin e Interit, drejtuesit zikaltër kanë në kokë shumë emra, një ndër ta dhe trajnerin e Bolonjës, Sinisa Mihajloviç.
Por kjo ide nuk i ka pëlqyer aspak ish-drejtorit sportiv të Interit, Valter Sabatini, i cili në një intervistë për “Radio Kiss Kiss” është shprehur se dëshiron që Mihajloviç të mos futet në këtë vorbull dhe të qëndrojë te Bolonja.
“Mihajloviç tek Inter? Le të shpresojmë që ai të mos hyjë në këtë vorbull dhe të qëndrojë tek Bolonja”, deklaroi Sabatini duke habitur të gjithë.