Orges Shehi, pranë rinovimit. Po, është më se e mundur. Deri dje ka qenë Orges Shehi trajneri i skuadrës së re bardheblu, duke vazhduar ciklin që nisi në janar.
Prej ditësh kryeqytetasit janë duke diskutuar për të ardhmen me Shehin, ndërsa sot pritet të merret vendimi përfundimtar me Halilin që, me sa duket, e ka ndarë mendjen. Me shumë mundësi, ai do të mbajë Orges Shehin.
Deri para disa ditësh palët kanë qenë 50 me 50 për Shehin dhe Devollin. Ama nuk përjashtohet mundësia që te bardheblutë të ketë surpriza më pas, duke filluar që nga drejtuesit e skuadrës e deri te lojtarët, të cilët do të luajnë sezonin e ri te skuadra 25 herë kampione e Shqipërisë.