Në një intervistë për BBC, tekniku legjendar Aleks Ferguson shprehu hapur qëndrimin e tij kundër krijimit të Super Ligës, duke thënë se ky kompeticion do të vriste ëndrrat e ekipeve të vogla për të fituar.
Ferguson gjithashtu kujtoi finalen e 1983 teksa ishte në krye të skuadrës skoceze të Aberdinit mundi në finale e Kupës së Europës gjigandët e Real Madrid duke hyrë në historinë e futbollit.
“Si lojtar kam luajtur në futbollin evropian për Ranxhërs dhe Dunfermline. Dhe pastaj si trajner kam qenë në krye të Aberdinit dhe unë munda Real Madridin në finale e Kupës së Kupave në vitin 1983 në Gotenburg.
Edhe klubet provincial duan të bëjnë ëndrrën e tyre realitet. Çdo klub duhet ta ketë ëndërr për të realizuar atë që ka bërë Aberdini. Ju kurrë nuk mund ta harroni se arsyeja e vërtetë e futbollit është që më i vogli mund të ngjitet në majë të Everestit, dhe kjo është mënyra më e mirë për ta shpjeguar këtë gjë”, u shpreh “Sir” Aleks Ferguson.
