Festë e madhe në shtëpinë e Liverpool pas fitores 2-0 të marrë kundër Crystal Palace, që i ka dhuruar Të Kuqve vendin e tretë në Premier League dhe kualifikimin në Champions League.
Një rezultat special, duke parë sezonin e vështirë që ka kaluar skuadra e Jurgen Klopp për shkak të dëmtimeve të shumta.
“Është një gjë e madhe. Nëse dikush do të ma kishte thënë pesë, gjashtë ose dhjetë javë më parë, vendi i tretë do të më ishte dukur i pamundur”, ka thënë trajneri gjerman.
“Dëmtimet na kanë përndjekur gjatë gjithë vitit ka qenë me të vërtetë e vështirë. Të përballesh me gjithë këtë dhe të dalësh i treti është një leksion i bukur jete. Nga asgjëja në Champions në 5 javë. Është një rezultat i madh”.
