Pas barazimit të sfidës së djeshme në transfertë ndaj Real Zaragozës me rezultatin 0-0, skuadra e Espanjolit është ngjitur zyrtarisht në La Liga pas një viti mungesë.
Për këtë sukses në ngjitjen në La Liga nuk ka munguar as festa e klubit dhe tifozëve, teksa në sfond shihet dhe festa e çmendur e mesfushorit të Kombëtares shqiptare, Keidi Bare.
23-vjeçari fierak mori për një moment rolin e ultrasit në podiumin e ngritur nga klubi katalanas duke ngritur peshë tifozët e Espanjolit.
Bare me skuadrën e Espanjolit në këtë sezon në të gjitha kompeticionet është aktivizuar në total në 26 ndeshje ku ka mundur të dhurojë dhe një asist.
