Në prag të sfidës së nesërme kundër Milanit, trajneri i Atalantës, Xhan Piero Gasperini ka anuluar kofenrencën për shtyp e cila ishte parashikuar për tu mbajtur ditën e sotme në orën 13:30.
Nuk dihet ende pse ka ardhur ky vendim nga ana e teknikut zikaltër, por nuk përjashtohet ndonjë tension i mundshëm që pas finales së humbur kundër Juventusit vetëm pak ditë më parë. Vendimi është komunikuar nga klubi drejt gazetarëve dhe në vend të Gasperinit do të flasë drejtori i ekipit Luka Perkasi.
Ndeshja e nesërme do të jetë vendimtare për të dyja ekipet pasi Milani kërkon të kualifikohet në Ligën e Kampionëve pas 7 vitesh mungesë ndërsa Atalanta kërkon të mbajë vendin e dytë i cili i rezervon 5 milionë euro plus në arkat e klubit.
