Maurizio Sarri ka mundësi që të rikthehet sërish në aktivitet. Ish-trajneri i Juventusit dhe Chelseas mund të marrë drejtimin e skuadrës së Fiorentinës.
Ekipi vjolë nuk ka patur një ecuri të mirë, prandaj po mendon që të ndryshojë trajnerin. Pankina e Giuseppe Iachinit është në rrezik dhe hija e ish-trajnerit të Juves është shfaqur.
Sarri vazhdon të jetë nën kontratë me kampionët e Italisë dhe të paguhet nga “Zonja e Vjetër”. Ai u pushua nga presidenti Andrea Agnelli pas eliminimit nga Lyoni sepse marrëdhënia e tij me lojtarët ishte shumë e keqe.