Ditën e sotme, Juventusi i dha lamtumirën teknikut Andrea Pirlo teksa është vetëm disa orë larg zyrtarizimi i Maks Alegrit në stolin juventin.
Skuadra bardhezi ka vendosur të “karikojë” tifozët e saj duke postuar në rrjetet sociale hartën e shtetit të Amerikës, Minesota. Arsyeja? Para disa kohësh, Alegri u shpreh se kishte vënë bast për një kalë me emrin Minesota, dhe dikush i kishte thënë që më e lehtë është të drejtosh një skuadër në Serinë A, sesa kali me emrin Minesota të fitonte garën.
“Para disa kohësh vura një bast për një kalë me emrin Minesota. Zotëria te sporteli më tha se ishte më lehtë për mua të stërvitja një skuadër në Serie A sesa ai kalë të fitonte garën. Minesota fitoi, dhe unë mora drejtimin e një skuadre në Serinë A”, ishin fjalët e Alegrit.
Një mënyrë e çuditshme kjo e Juventusit për të zyrtarizuar trajnerin e ri, por postimi është pritur mjaft mirë nga tifozët të cilët kanë shpërthyer menjëherë në rrejtet sociale.
— JuventusFC (@juventusfc) May 28, 2021