Emiljano Musta, ishte heroi i Laçit në triumfin 0-1 që skuadra kurbinase arriti në transfertë ndaj Apolonisë. Në prononcimin pas ndeshjes për “Gol pas Goli”, futbollisti nga Elbasani u shpreh:
“Në fundin e kampionatin është akumuluar pak stresi. Ndikojnë edhe temperaturat e larta. E rëndësishme është të sigurojmë sa më shpejt pjesëmarrjen në Kupat e Europës, janë 5 ekipe që luftojnë. Duam sa më shpejtë që të sigurojmë Europën, pastaj në javët e fundit pse jo të provojmë edhe titullin.
Sot jemi 2 pikë mbi Vllaznia. Shpresojmë që sa më shpejt ta sigurojmë Europën. Po bëj sezon të mirë, kam shkuar te goli falë edhe skemës të Duros. Te Flamurtari luaja mesfushor i majtë dhe sulmues i majtë, kam shënuar 7 gola, por nuk janë golat primare për mua, e rëndësishme është të fitojmë dhe të arrijmë objektivat.
Çdo lojtarë kërkon të jetë kampion. Mundësitë i kemi. Është bërë një luftë shumë e ethshme midis 5 ekipeve. Kujt i rëshket këmba del jashtë garës. Kemi dhe 4 finale të tjera. Në qoftë se i fitojmë të gjitha kemi një shans, ndeshja më e rëndësishme është ndaj Skënderbeut”, u shpreh Musta.
