Masimiliano Alegri është shumë afër rikthimit te Juventusi. Prej kohësh në mediat italiane flitet për këtë, ndërkohë që së fundmi ka qenë eksperti i merkatos në Itali, Di Marzio, i cili nëpërmjet faqes së tij, ka njoftuar se kalimi i Alegrit është çështje kohe.
Shkarkimi i Andrea Pirlos duke i pashmangshëm, pas sezonit aspak të mirë të bardhezinjve. Së fundmi raportohet se Anjeli ka vendosur t’i besojë drejtimin e skuadrës Alegrit dhe në orët e ardhshëm pritet të vijë zyrtarizimi.
Po diskutohet vetëm detajet mes palëve, para se të firmoset marrëveshja. Kujtojmë se Alegri e drejtori Juventusin për 5 vite, nga2014 deri në 2019. Gjatë aventurës 5-vjeçare te Juventusi, Alegri arriti të fitojë 5 kampionate, 4 Kupa të Italisë, 2 Superkupa dhe ishte dy herë në finalen e Ligës së Kampioneve.