Mesfushori belg Kevin De Bryjne u dëmtua në finalen e Champions-it pas një përplasje me mbrojtësin e Çelsit, Rudiger.
Episodi ndodhi në minutën e 60 të sfidës, dhe De Bryjne u detyrua të dalë nga fusha pas dëmtimit në fytyrë. Ishte vet mesfushori i cili një ditë pas finales u shpreh për fansat e tij se kishte pësuar një frakturë në kockën e hundës dhe se duhej disa kohë të rikuperohej plotësisht.
Por një lajm aspak i mirë vjen për Belgjikën, teksa kanë mbetur vetëm 12 ditë nga starti i Kampionatit Europian, De Bryjne rrezikon të mos grumbullohet me kombëtaren e tij për kompeticionin madhor.
Mungesa e 29 vjeçarit do të ishte një humbje e madhe për Belgjikën e cila do të humbte kështu një ndër shtyllat e ekipit.