Kastrioti i mposht nga Skënderbeu ditën e djeshme, duke rrezikuar kështu seriozisht rënien nga Kategoria. Megjithatë sikur të mos mjaftonte kjo, tashmë trajneri Ndreu duhet të përballet edhe me një problem tjetër.
Sokol Neziri u dëmtua keq te goli i parë i korçarëve dhe u largua nga fusha me ambulancë. Gazeta ka mësuar se lojtari ka nxjerrë bërrylin dhe i është dashur që ta vendosë në allci. Me gjasë, pritet që të mungojë deri në 3 javë.
Kështu sezoni për mbrojtësin mund të quhet i mbyllur, dhe Ndreu tashmë duhet të bëjë pa një nga titullarët e tij në ndeshjet e mbetura.