Robert Lewandowski është sulmuesi më i mirë në botë për momentin dhe pak dyshime ka!
Bomberi polak u shpall futbollisti më i mirë i vitit 2020 nga FIFA, ndërsa këtë sezon shënoi 41 gola në Bundesligë, duke thyer e parakaluar një legjendë si Gerd Muller (40 gola).
32-vjeçari ka dhënë një rrëfim për Canal + dhe ideja për të provuar një aventurë të re dhe për të njohur një tjetër kulturë, e tundon.
Rekordi i golave? I dukej i paarritshëm, por ja doli!
“Unë jam një tip me mendje të hapur. Bayerni është fantastik, klubi është madhështor dhe qyteti fantastik. Gjithsesi, unë kam gjithmonë kuriozitet për të njohur kultura të reja. Ama, nuk e di nëse do të njoh një kulturë të re si futbollist aktiv apo pasi të mbyll karrierën.
Kjo edhe prej faktit që mungova në disa ndeshje, kam qenë i dëmtuar për një pjesë të sezonit. Nuk e ndjej madhështinë e thyerjes së rekordit. Realisht nuk e ndjej, por ndoshta është më mirë kështu“, thekson sulmuesi polak i rekordmenëve të futbollit gjerman.
