Luhet duke filluar nga ora 17:00, ndeshja mes Vllaznisë dhe Kastriotit, e vlefshme për javën e 34-t në Kategorinë Superiore.
Vllaznia nuk dorëzohet për titullin kampion, ndonëse janë 5 pikë larg Teutës kryesuese dhe për këtë arsye do të kërkojnë me çdo kusht fitoren në ndeshjen e sotme.
Nga ana tjetër, Kastrioti luan sot një ndeshje të rëndësishme për mbijetesën, duke qenë se pikët përballë njërit prej ekipeve që synon pjesën e sipërme të tabelës, do të kishin vlerë edhe morale dhe motivimi për futbollistët. Megjithatë, ky 90-minutësh nuk është shpresa e vetme e skuadrës krutane, e cila në ndeshjen e ardhshme, ka një finale me rivalin direkt për mbijetesën, Bylisin.
Pritet një sfidë e luftuar nga të dyja ekipet, që do të krkojn ë të dalin me kokën lart, nga “Loro Boriçi”.
Për sa i përket formacioneve zyrtare, Vllaznia vjen me dy mungesa të rëndësishme si ajo e Krymit për shkak dëmtimi dhe Adili për kartonë, ndërsa te Kastrioti rikthehet nga minuta e parë Devid.
FORMACIONET ZYRTARE:
VLLAZNIA: Zogovic; Gurishta, Imami, Shehi, Isaevski; Jonuzi, Marku, Da Silva, Imeri, Hoxhaj, Avdijaj. Trajner: Thomas Brdaric.
KASTRIOTI: Hidi; Deliaj, Çela, Shkalla, Prodani; Husein, Okebugu, Moraes; Devid, Bardhi, Rezi. Trajner: Ramadan Ndreu.