Adrian Aliaj i cili është dhe agjenti i lojtarit të përfaqësueses së Kosovës, por edhe të skuadrës së Torinos, Mërgim Vojvodës, ka folur në një intervistë në mikrofonat e “CalcioHellas.it”, duke deklaruar se Vojvoda ka qenë pranë skuadrave si Atalanta dhe Verona përpara se të transferohej tek ekipi i Torinos:
Sezoni i Vojvodës – “Vojvoda ka mbërritur tek skuadra e Torinos kur në grumbullim ishte ende trajner Xhampaolo, por jam shumë i lumtur për sezonin e tij të parë në Serinë A. Vojvoda është një djalë fantastik dhe një profesionist që e ka mësuar gjuhën italiane për 2-3 muaj dhe është një titullar duke shënuar dhe një gol me Torinon me vlerë mbijetese. Ai është i lumtur tek Torino, e vetmja gjë që atij i mungojnë janë tifozët sepse nuk ka mundur dot të ndjejë atmosferën e futbollit italian.”
Skuadrat e interesuara – “Kemi biseduar me Atalantën dhe Veronën, por në fund kemi zgjedhur Torinon dhe jemi të lumtur për gjënë e duhur.”
Lojtarë të tjerë shqiptar për tu transferuar në Itali – “Emir Sahiti i Hajdukut të Splitit i cili është i huazuar tek skuadra e Sibenikut. Është një mesfushor dinamik dhe mund të luajë dhe si anësor, i fortë në një kundër një dhe tepër agresiv. Nuk kushton shumë, është 22-vjeçar dhe sipas meje ka kualitetet e duhura për të luajtur në Itali.”