Sami Khedira ka vendosur të varë këpucët në gozhdë në moshën 34 vjeç.
Tërheqja e lojtarit është zyrtarizuar nga Hertha Berlin, klubi i tij i fundit, me të cilin gjermani ka arritur të sigurojë mbijetesën në javët e fundit të Bundesliga-s.
Kampion bote me Gjermaninë në 2014-ën, Khedira ka veshur në karrierën e tij, përveç fanellës së Hertha-s, edhe atë të Stuttgart-it, Real Madrid-it dhe Juventus-it.
“Tërhiqet një legjendë e futbollit. Edhe pse nuk ke qëndruar me ne për një kohë të gjatë, faleminderit për gjithçka”, ka qenë mesazhi i klubit të kryeqytetit gjerman.
Khedira ka fituar në karrierën e tij një La Liga, dy Kupa të Spanjës, një Superkupë të Spanjës, pesë Serie A, tre Kupa të Italisë, tre Superkupa të Italisë, një Champions League, një Superkupë të UEFA-s, një Kupë të Botës për klube, një Eurpian Under 21 dhe një Botëror në Brazil në 2014-ën.
Ein ganz Großer verlässt die Fußballbühne. Auch wenn du nicht lange unser blau-weißes Trikot getragen hast: Danke für alles, @SamiKhedira! Schön, dass du uns in einer schwierigen Situation geholfen hast. 💙🤍#EinmalHerthanerImmerHerthaner #GemeinsamHertha #HaHoHe pic.twitter.com/BNBJCw9htQ
— Hertha BSC (@HerthaBSC) May 19, 2021
