Stevan Jovetiç të cilit i ka skaduar kontrata me skuadrën e Monakos është në radarët e Lacios.
Sipas asaj që shkruan iberikja “El Mundo Deportivo”, në shënjestrën e ish-sulmuesit të Interit ndodhet Lacio me Igli Taren që po e ndjek me interes për të tentuar goditjen e madhe me parametra zero.
Pas 31-vjeçarit është dhe klubi spanjoll i Granadës, por malazezi nuk do t’i thonte “JO” një rikthimi të tij në Serinë A ku më parë ka mbajtur veshur fanellat e Fiorentinës dhe Interit. Në këtë sezon me skuadrën nga Principata, Jovetiç ka koleksionuar gjithsej 33 prezenca nga ku e ka tundur 7 herë rrjetën dhe ka dhuruar dhe një asist.
