Kryefjala e ditëve të fundit përveç “Euro 2020” janë edhe transferimet e lojtarëve sa nga një ekip në tjetrin. Në vorbullën e gjithë kësaj është edhe lojtari me origjinë shqiptare Granit Xhaka.
Mesfushori i Arsenalit është një dëshirë e vazhdueshme e trajnerit të Romës, Zhoze Murinjos. Siç duket negociatat kane avancuar dhe Roma është pranë nënshkrimit me 28-vjeçarin e përfaqësueses zviceriane. Për koiçidencë Xhaka do të përballet me Italinë në fazat e grupeve të Euro 2020.
Sipas “Chris Wheatley”, “Metro” dhe “Daily Mail”, Arsenal është në bisedime të avancuara me Romën për të përfunduar marrëveshjen. Skuadra angleze kishte kërkuar 25 milion € për të lënë të lirë lojtarin e tyre , ndërsa oferta fillestare ishte 14 milion € plus bonuse.
Tashmë është pranuar që Xhaka ka rënë dakord për kushtet personale me Romën për një kontratë katër-vjeçare dhe do të ishte lojtari i dytë shqiptar që do bëhej pjesë e skuadrës nga Italia, sepse aty do të gjente bashkëkombësin e tij Marash Kumbullën.
