Ndeshja Danimarkë-Finlandë është pezulluar përkohësisht. Ky është vendimi i fundit i UEFA-s pas ngjarjes së rëndë, ku mesfushori danez Kristian Eriksen, pësoi atak kardiak në fushë.
Kjo ngjarje i tronditi të gjithë të pranishmit në stadium dhe jo vetëm, teksa nga raportimet e fundit vijnë lajme të mira nga gjendja e Eriksen.
UEFA zyrtarizon pezullimin e ndeshjes si pasojë e një emergjence shëndetësore ndërsa nuk jepet asnjë informacion rreth situatës së yllit të Danimarkës. Ndërkohë që njoftimin e minutave të fundit, UEFA bën me dije se në orë 19:45, do të diskutohet nëse takimi duhet të rifillojë apo jo.