Roma nis merkaton dhe manovrat e para. Sipas Corriere dello Sport në edicionin e sotëm, te Toro ka mbërritur ofertë zyrtare prej 20 milionë eurosh midis shpërblimeve të lehta dhe fikse për “Gallo” Belottin, që ka refuzuar të rinovojë kontratën e tij që skadon në 2022.
Verdhekuqtë, me kërkesë të Mourinho, duan Belottin dhe ofrojnë edhe rrogë 3 mln euro në sezon deri në vitin 2025, teksa aktualisht Gallo fiton 2 mln euro.
Torino ende mbahet fort por me 25 mln euro mund të mbyllet akordi dhe lojtari të transferohet te Roma pasi i ka thënë “po” verdhekuqve.
Ndërkohë, La Gazzetta dello Sport bën një vlerësim të Granit Xhaka, mesfushorit të Arsenalit që i pëlqen Romës.
Gazeta sportive raporton se londinezët po kërkojnë 25 milion euro ndërsa verdhekuqtë nuk do të donin të shkonin përtej 20 milion eurove.
